بصراحة انا مش مصدقة التقصير اللي حصل من الشباب في التصويت على الاستفتاء
صدعتوا دماغنا بمطالبات ومظاهرات وكلام  ولُك لُك .. لُك لُك ليل نهار
سواء على صفحات التواصل الاجتماعي او على الشاشات الارضية والفضائية ..
وفي الآخر طلع كله كلام في كلام وخلاص كده..
طيب يا ابني انت وهو مادام مالاكش في المواقف الايجابية وجعت دماغنا ليه ؟
كنت قعدت بقى على جنب كده وحطيت لسانك في زورك وريحتنا من خبلانك المستمر
اللي كان يسمع ويقرأ ويشوف كان يفتكر ان الشباب اول من سينزل لللأستفتاء
بلاش بالملايين لكن خليها بالآلاف  للإدلاء بأصواتهم لكن يا خسارة
ضيعتوا فرصتكم واملنا فيكم يا شباب فنجرى كلام ..
المفروض انكم صانعوا المستقبل اللي فلقتونا بأحلامكم وتطلعاتكم لتحقيقه
اللافت للنظر ان نسبة تصويت الشباب فوق 30 سنة وليس أقل
و المرأة وكبار السن والفتيات وحتى المعاقين والمرضى كان كبير جدا..
حتى الاطفال نزلوا مع امهاتهم للمشاهدة والمشاركة بفرحة وحب لمصر ولخير مصر
بالذمة مش مكسوفين من نفسكم يا بتوع الكلام وبس ؟
طبعا كل سيدة نزلت للتصويت وقفت بالساعات حتى ميعاد إغلاق اللجان لتحقق مستقبل أفضل لأولادها
لكن الباشوات قاعدين في البيت او مقاطعين..
طيب يا ابني انت وهو لو كان عندك اي إعتراض كنت نزلت وقلت (لآ) للدستور
يعني عبر عن رأيك بحرية وإيجابية وخللي عندك شوية من الأحمر
شوف الصور دي وقول لي شعورك ايه لو لسه عندك احساس يا كلمانجي وبس.









































كفاية كدة ولا أقول كمان ؟؟؟
بيكم ومن غيركم مصر ام الدنيا وحتبقى قد الدنيا.
   
  

يا زيزو انا متأكدة انت كنت بايت قدام اللجنة قبلها بيوم
هههههههههههههههههههههه
لكن انا بتكلم عن ملاحظات انا شفتها وعايشتها بنفسي
من اولاد جيرانا ومعارفنا وأصدقائنا
شباب في العشرينات من العمر يعني زي ماكانوا بيقولوا من شباب الثورة
انت عارف يا زيزو
ورا بيتنا فيه كافيه بيجمع شباب كتير جدا
كنت دايما بشوفهم قاعدين يتناقشوا كأنهم في صالون ثقافي أو ادبي كبير
بيضم شباب من كل المستويات والإنتماءات
كانوا بجد بيفرحوني لما كنت بمر جنبهم وأسمعهم بيتناقشوا بجدية
وأقول في نفسي والله شبابنا بخير وهو ده اللي حيبني مصر من جديد
لكن تعالى بقى قبل الاستفتاء وشوف التعليقات اللي سمعتها
ياعم طنش - ماليش فيه - يعني صوتي انا اللي حيفرق - انا مش مقتنع بالدستور ورافضه
عشان كده انا قلت حتى لو كنت رافض انزل وعبر عن رأيك وقول لأ
حاجة كمان يا زيزو توتي عايشتها وقالت لي عليها
توتي كانت المنسق العام للجان الثورية في جامعة القاهرة كلها
للأسف معظم اللي فيها رفضوا المشاركة حتى ولو بالرفض
يعني قاطعوا الاستفتاء تمامااااااااااااااااااااااااا
منين بقى بيقولوا لجان ثورية ... واحنا اللي عملنا الثورة ... ومناقشات ووجع دماغ
وفي الآخر تكون مشاركتهم هزيلة بالشكل ده ؟؟؟
عرفت بقى انا ليه كتبت الكلام ده ؟

كده فهمت   بس نغمه الثوريين والكلام ده خلاص مبقتش تفرق اصلا لأن لينا كلام تانى فيها 
المهم ان فى شباب بتوع كلام وخلاص لكنهم لا يجب ان يكونوا هم مضرب المثل ولكن يجب ان نأخذ كل شخص بما فعل ايا كان سنه او تعليمه او منهجه الفكرى